च्याम्पियन्स लिगबाट म्यानचेस्टर युनाइटेडको यात्रा टुङ्गियो

एजेन्सी । घरेलु मैदानमा भएको खेलमा सेभिल्लासँग १–२ ले पराजित भएपछि म्यानचेस्टर युनाइटेड च्याम्पियन्स लिगको अन्तिम १६ बाट बाहिरिएको छ । पहिलो लेग गोल रहित बराबरी पछि दोस्रो लेगमा पराजित भएपछि युनाइटेड प्रतियोगिताबाट बाहिरिएको हो ।

दुवै गोल सेभिल्लाको विसम बेन येडरले गरे । युनाइटेडका लागि रोमेलु लुकाकुले एक गोल गरेपनि त्यो अपुग रह्यो ।

दोस्रो हाफमा येडरले ७४ र ७८ मिनेटमा गोल गरेपछि भ्रमणकारी टोलीको जित सुनिश्चित भयो । लुकाकुले ८४ मिनेटमा १ गोल फर्काएपनि त्यो युनाइटेडलाई अपुग भयो ।