थप ८ जनामा कोरोना भाइरसको सङ्क्रमण पुष्टि

काठमाडौं, चैत १२ । पछिल्लो २४ घण्टामा आठ जनामा कोरोना भाइरसको सङ्क्रमण पुष्टि भएको छ ।

पीसीआर र एन्टिजेन गरी दुई हजार ६ सय ५५ जनाको नमूना परीक्षण गर्दा आठ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

थप दुई सय १० जना कोरोना सङ्क्रमित निको भएका छन् । कोरोना सङ्क्रमणका कारण पछिल्लो २४ घण्टामा कसैको पनि ज्यान गएन ।

अहिले नेपालमा एक हजार सात सय ५८ जना कोरोना भाइरसका सक्रिय सङ्क्रमित रहेका छन् । यसैबीच पछिल्लो २४ घण्टामा ४७ हजार सात सय एक जनाले कोरोना विरुद्धको खोप लगाएका छन् ।