प्रधानमन्त्री देउवा अर्को साता भारत भ्रमणमा जाने

काठमाडौं , चैत १० । प्रधानमन्त्री शेरबहादुर देउवा आगामी १८ गते तीन दिने भारत भ्रमणमा जान लागेका छन् । चिनियाँ विदेशमन्त्री वाङ यी को भ्रमण सकिए लगत्तै प्रधानमन्त्री देउवा भारत भ्रमणमा जान लागेका हुन् ।

प्रधानमन्त्री देउवा राजकीय भ्रमणमा भारत जान लागेको उनको सचिवालय स्रोतले जानकारी दिएको छ । यसअघि ‘गुजरात समिट’ मा जाने तयारी गरे पनि देउवाको भ्रमण कोरोना महामारीका कारण समिट नै रद्द भएपछि रोकिएको थियो ।

बालुवाटार स्रोतका अनुसार देउवाले तीन दिन भारतमा बिताउने छन् ।