अभिनेता पल शाहविरुद्धको अनुसन्धान सकियो, प्रतिवेदन सरकारी वकिलको हातमा

काठमाडौं, ७ चैत । प्रहरीले अभिनेता पल शाहविरुद्धको अनुसन्धान सकेको छ । नाबालिकामाथि जबरजस्ती करणी गरेको अभियोगमा पक्राउ परेको अभिनेता पल शाहविरुद्धको अनुसन्धान प्रहरीले सकेको हो ।
अनुसन्धान सकेपछि रायसहितको प्रतिवेदन जिल्ला सरकारी वकिलको कार्यालय, तनहुँमा बुझाइएको जिल्ला प्रहरी कार्यालय, तनहुँले जनाएको छ ।
प्रहरीले २१ दिन लामो अनुसन्धान सकेर अनुसन्धान प्रतिवेदन पेश गरेको हो । जिल्ला प्रहरी कार्यालय, पूर्वी नवलपरासीले पनि शाहविरुद्ध गरेको अनुसन्धान सकेर अदालतमा मुद्दा दायर गरिसकेको छ । शाहविरुद्धको मुद्धा सरकारी वकीलको हातमा परेकाले अब के हुन्छ भन्ने कुरा सरकारी वकिलको हातमा रहेको छ ।