मकवानपुरमा बस दुर्घटना : दुई जनाको मृत्यु, नौ जना घाइते

काठमाडौं, चैत ४ । मकवानपुरमा बस दुर्घटना हुँदा २ जनाको मुत्यु भएको छ । अन्य ९ जना घाइते भएका छन् । मकवानपुरको मनहरी गाउँपालिका–६ भुलचोकमा यात्रुबहाक बस दुर्घटनामा परेको हो ।

शुक्रबार बा।४ ख ४४५४ नम्बरको बस दुर्घटना हुँदा २ जनाको घटनास्थलमै मृत्यु भएको प्रहरीले जनाएको छ।

मृत्यु हुनेहरुमा बसका सहचालक नुवाकोट तार्केश्वर गाउँपालिका–४ बस्ने २२ वर्षीय सुभाष श्रेष्ठ र सोही ठाउँ बस्ने २९ वर्षीय शम्भु दराई रहेका छन्। दुर्घटनामा घाइते भएका अन्य ९ जनालाई उपचारका लागि चितवन भरतपुरतर्फ पठाइएको छ।

बस चालकलाई प्रहरीले नियन्त्रणमा लिएको छ । साथै दुर्घटनाका सम्बन्धमा आवश्यक अनुसन्धान गरिरहेको पनि प्रहरीले जनाएको छ ।