बेन्जेमाको म्याड्रिडमा यो अन्तिम सिजन हुन सक्ने सम्भावना

म्याड्रिड (एजेन्सी) । रियल म्याड्रिडका स्ट्राइकर करिम बेन्जेमाको म्याड्रिडमा यो अन्तिम सिजन हुन सक्ने सम्भावना बढ्दै गएको छ । रियलका म्याड्रिडका अध्यक्ष फ्लोरेन्टिनो पेरेजले अर्को सिजन सम्झौता नविकरण गर्न नचाहेका ६ खेलाडीमध्ये बेन्जेमा पनि रहेको बताइएकाले उनको यात्रा यहि सिजन सम्म मात्र रहने अनुमान गरिएको छ ।

च्याम्पियन्स लिगमा पेरिस सेन्ट जर्मेनविरुद्धको खेलमा पनि उनको प्रदर्शन अपेक्षा अनुसार हुन नसकेपछि बेन्जेमाको भविष्यका विषमा चर्चा सुरु भएको छ ।

यो सिजन सबै खाले प्रतियोगितामा गरि ८ गोल गरेका बेन्जेमाले ला लिगामा ४ गोल मात्र गर्न सकेका छन् । ला लिगाको साविक विजेता रहेको रियलको यो सिजन राम्रो हुन सकेको छैन । शीर्षस्थानको बार्सिलोनाभन्दा १५ अंकले पछि रहेको रियल शहरी प्रतिद्वन्द्वी एट्लेटिको म्याड्रिड भन्दा पनि पछाडी रहेको छ ।