थप १ सय १२ जनामा कोरोना पुष्टि, मुत्यु शुन्य

काठमाडौं , फागुन २६ । नेपालमा थप १ सय १२ जनामा कोरोना भाइरस संक्रमण पुष्टि भएको छ ।

६ हजार ८०१ पीसीआर परीक्षणमा ७७ र दुई हजार ५२७ एन्टिजेन परीक्षणमा ३५ जना गरी १ सय १२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार कोरोना संक्रमणका कारण बिहीबार पनि कसैको मृत्यु भएको छैन । पछिल्लो २४ घण्टामा कोरोना संक्रमणमुक्त हुनेको संख्या ४ सय २९ रहेको छ ।

हाल देशभर सक्रिय संक्रमितको संख्या पाँच हजार ३ सय ४० रहेको छ ।

पछिल्लो समय नेपालका कोरोना संक्रमण विस्तारै घट्दै जान थालेको छ । साथै मृत्युदर पनि शुन्यमा झरहेको मन्त्रालयले जनाएको छ ।