काठमाडौं महानगरपालिकाको मेयर बन्ने राजेश हमालको चाहना !

काठमाडौं, फागुन २६ ।  अभिनेता राजेश हमालले काठमाडौं महानगरपालिकाको मेयर बन्ने चाहना व्यक्त गरेका छन् ।

आफ्नै युट्युब च्यानलबाट प्रसारण हुन लागेको ‘अ डे आउट विथ राजेश हमाल’ कार्यक्रमको सार्वजनिक ट्रेलरमा उनले काठमाडौं महानगरपालिकाको मेयर बन्ने चाहना व्यक्त गरेका हुन् ।

रिलिज ट्रेलरको सुरुवातमै राजेश भन्छन्, “सहरलाई चाहिँ खै ब्युटिफाई गर्ने भन्ने कुरामा चाहिँ कसैको ध्यानै गएन । भाषणमा चाहिँ भनिरहेका हुन्छन्, प्राक्टिकली गर्ने सोच नपुगेर हो कि ढंग नपुगेर हो !…एकचोटि काठमाडौं सहरको मेयर बन्नुपर्छ कि क्या हो म !”

उनको यही संवादबाट कार्यक्रमको ट्रेलर सुरु हुन्छ । कार्यक्रमको नामबाटै अनुमान लगाउन सकिन्छ कि यो कार्यक्रमले अभिनेता हमालको एक दिनको दिनचर्यालाई समेट्नेछ । (गसिप)