अनुमोदनको सुनिश्चिततापछि मात्रै संसदमा एमसिसीमाथि छलफल चलाउने प्रधानमन्त्रीको रणनीति

k|d b]pjfåf/f lgb]{zg sf7df8f}F, !$ ;fpgM k|wfgdGqL z]/axfb’/ b]pjf l;+xb/af/df laxLaf/ gjlgo’Qm /fli6«o of]hgf cfof]usf pkfWoIf 8f ljZj kf}8]nnfO{ kb tyf uf]kgLotfsf] zkykl5 lgb]{zg lbFb} . tl:a/M /f]zg ;fksf]6f÷/f;;

काठमाडौं, फागुन १४ ।  सत्तागठबन्धन र प्रमुख प्रतिपक्षी दल एमालेसँग समानान्तर संवादमा रहेका प्रधानमन्त्री शेरबहादुर देउवाले अनुमोदनको सुनिश्चिततापछि मात्रै संसद्मा एमसिसीमाथि छलफल चलाउने रणनीति लिएका छन् । एमसिसीमाथिको सैद्धान्तिक छलफल सम्भावित कार्यसूचीमा रहेको बिहीबार र शुक्रबारको बैठक प्रधानमन्त्री देउवाकै आग्रहमा स्थगित भएको छ ।

शुक्रबार दिउँसो १ बजेका लागि बोलाइएको प्रतिनिधिसभाको बैठक सूचना टाँस गरी आइतबार दिउँसो १ बजेसम्मका लागि स्थगित गरिएको छ । सचिवालयले बैठक बस्ने दिन र समय परिवर्तन भएको सूचना प्रकाशित गरी विशेष कारणवश बैठक बस्न नसक्ने भएकाले आइतबारसम्मका लागि स्थगित गरिएको जानकारी गराएको छ ।

‘एमसिसी संसद्मा पेस भइसकेको छ, यसलाई अनुमोदन गराउने आधार अझै तयार भएको छैन । अनुमोदनको सुनिश्चितता नहुन्जेल सैद्धान्तिक छलफलमा लैजान उपयुक्त नहुने प्रधानमन्त्रीको बुझाइ छ,’ प्रधानमन्त्री देउवानिकट मानिने कांग्रेसका एक नेताले भने ।