कोरोनाबाट आज थप १२ जनाको मुत्यु , ३ हजार ६३७ जनामा संक्रमण पुष्टि

काठमाडौँ , माघ १९ । नेपालमा थप ३ हजार ६३७ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल २ हजार २०५ र एन्टीजेन परिक्षणबाट १४३२ गरि कुल ३ हजार ६३७ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ७५५५ जना संक्रमण मुक्त भएका छन् । नेपालमा कोरोना निको हुने प्रतिशत ९१ रहेको मन्त्रालयले जनाएको छ ।

त्यस्तै पछिल्लो २४ घण्टामा ६ हजार ४९९ पिसिआर र ५०८३ नमुना एन्टीजेन परिक्षण गरि कुल ११ हजार ५८२ जनाको परीक्षण भएको मन्त्रालयले जानकारी दिएको छ ।

पछिल्लो कोरोनाबाट थप १२ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ७६४ पुगेको छ ।