१३ केजी चाँदीसहित एक युवक पक्राउ

काठमाडौँ , १८ माघ । प्रहरीले दक्षिणकाली नगरपालिका–५ फर्पिङबाट बिल बिनाको करीब १३ केजी चाँदीसहित एक युवकलाई पक्राउ गरेको छ ।

पक्राउ पर्नेमा बारा सिम्रौनगढ नगरपालिका–८ कचरुवा घर भएका ३८ वर्षीय रामा शंकर साह रहेका छन् ।
बाराको कलैयाबाट काठमाडौंतर्फ आउँदै गरेको ना.१ ज ७२०८ नम्बरको टाटा सुमो गाडीमा प्रहरीले जाँच गर्ने क्रममा साहलाई उक्त सामानसहित पक्राउ गरेको हो ।

पक्राउ परेका उनीमाथि थप अनुसन्धान भइरहे‍को प्रहरीले जनाएको छ ।