नेपालमा कोरोनाबाट आज एकैदिन ३२ जनाको मृत्यु, ३, ५४० संक्रमित थपिए
काठमाडौं, माघ १६ । नेपालमा थप ३ हजार ५४० जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल ३ हजार ४९ र एन्टीजेन परिक्षणबाट ४९१ गरि कुल ३ हजार ५४० जना संक्रमित थपिएको जानकारी दिएको हो ।
त्यस्तै पछिल्लो २४ घण्टामा ६३५९ जना संक्रमण मुक्त भएका छन् । नेपालमा कोरोना निको हुने प्रतिशत ८९.५ रहेको मन्त्रालयले जनाएको छ ।
पछिल्लो कोरोनाबाट थप ३२ जनाको मृत्यु भएको मन्त्रालयले जानकारी दिएको छ । माघ १३ गतेदेखि १६ गतेसम्मको अपडेटअनुसार थप ३२ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ७३५ पुगेको छ ।
देशभर अहिले १३९ जना क्वारेन्टाइनमा छन् । त्यस्तै पछिल्लो २४ घण्टामा ९ हजार ९१० पिसिआर र ३२३५ नमुना एन्टीजेन परिक्षण गरि कुल १३ हजार १४५ जनाको परीक्षण भएको मन्त्रालयले जानकारी दिएको छ ।
नेपालमा हाल सक्रिय कोरोना संक्रमितको संख्या ८७ हजार ९९९ पुगेका छन् ।
प्रतिक्रिया दिनुहोस्