बिहारमा सेनाको विमान ठूलो दुर्घटनाबाट जोगियो, के भएको थियो ?

काठमाडौं, माघ १४ । भारतीय राज्य बिहारमा सेनाको विमान ठुलो दुर्घटनाबाट जोगिएको छ। भारतिय सेनाका अधिकारीहरुको विमान शुक्रबार ठुलो दुर्घटनाबाट जोगिएको हो। बिहारको गयामा अवस्थित भारतिय सेनाको विमान बोधगया ब्लकमा सामान्य दुर्घटनामा परेको थियो।

दुर्घटनापछि सो विमान विहारस्थित गया अन्र्तराष्ट्रिय विमानस्थलमा आपतकालिन अवतरण गराइएको र दुईवटा विमान चालक सकुशल रहेको इन्डिया टुडेमा खबर छ।

प्राविधिक गडबडिका कारण विमान दुर्घटना हुन पुगेको बताइएको छ। दुर्घटनाग्रस्त विमानका भग्नावशेषहरु भारतिय सेनाका जवानहरुले संकलन गरेको बताईएको छ।