सूर्या लाइफ इन्स्योरेन्स कम्पनी लिमिटेडको तेह्रौं वार्षिक साधारणसभा सम्पन्न

काठमाडौं, १९ पुस । सूर्या लाइफ इन्स्योरेन्स कम्पनी लिमिटेडको तेह्रौं वार्षिक साधारणसभा सम्पन्न भएको छ । कम्पलीले सोमबार विराटनगर स्थित होटल हैरिसन प्यालेसमा सम्पन्न सभाले चुक्ता पूँजीको १२.७० प्रतिशत बोनस शेयर तथा ०.६६८४ प्रतिशत नगद लाभांश गरी १३.३६८४ प्रतिशत लाभांस वितरण गर्ने प्रस्ताव पारित गरेको छ । बोनस शेयर वितरण पश्चात् कम्पनीको चुक्ता पूजी बृद्धि भई रु.२,५५,०२,८२,१००।– कायम हुनेछ ।
अध्यक्षता कम्पनीका संचालक समितिका अध्यक्ष केशव प्रसाद भट्टराईको अध्यक्षतामा आयोजना भएको सभाले कम्पनीको संस्थापक र सर्वसाधारण शेयर संरचना परिवर्तन गर्ने प्रस्ताव पारित गर्नुका साथै संचालक समितिमा संस्थापक शेयरधनी समुह “क” बाट प्रतिनिधित्व गर्ने ४ जना संचालक र सर्वसाधारण शेयरधनी समूह “ख” बाट प्रतिनिधित्व गर्ने २ जना संचालकहरुको निर्वाचन समेत सम्पन्न गरेको छ । संस्थापक शेयरधनी समुह “क” बाट केशव प्रसाद भट्टराई, हेमन्त नाहटा, विशाल अग्रवाल तथा विवेक झा निर्वाचित हुनु भएको छ भने सर्वसाधारण शेयरधनी समूह “ख” बाट कृति टिवडेवाल तथा बीरेन्द्र बाबु श्रेष्ठ निर्वाचित हुनु भएको छ । उहाँहरु निर्विरोध निर्वाचित हुनु भएको हो ।
कम्पनीले चालु आ.व. २०७८÷७९ को मंसिर मसान्तसम्म देशभरिका आफ्ना १३५ शाखा सञ्जालमा रहेका ४९,७१७ अभिकर्ताहरु मार्फत १२२९७० बीमालेखबाट रु.२,०१,८५,७१,३१८÷– बीमाशुल्क आर्जन गर्नुका साथै कुल दावी भुक्तानी रु.२९,१८,६७,३१०÷– गरेको जनाएको छ ।