कोरोना अपडेटः थप २१९ जनामा संक्रमण पुष्टि, २ जनाको मृत्यु

काठमाडौं , पुस ११ । पछिल्लो २४ घण्टामा थप २१९ जनामा कोरोना भाइरस संक्रमण भएको पुष्टि भएको छ । देशभरमा एन्टिजिन र पीसीआर विधिबाट गरी ९ हजार ६७७ नमुना परीक्षण गर्दा उनीहरुमा संक्रमण पुष्टि भएको हो ।

यस्तै २८३ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । यससँगै हाल सक्रिय संक्रमित संख्या ४९०६ कायम भएको छ ।

पछिल्ला २४ घण्टामा कोरोना संक्रमणबाट दुई जनाको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार ५८५ जना पुगेको मन्त्रालयले जनाएको छ ।