३ बजे केन्द्रीय सुरक्षा समितिको बैठक बस्दै

काठमाडौं, पुस ११ । केन्द्रीय सुरक्षा समितिको बैठक बस्दै छ । बैठक अपरान्ह ३ बजे बस्ने भएको हो ।
गृहमन्त्री बालकृष्ण खाँणले उक्त बैठक बोलाएका हुन् ।

सिंहदरबारमा बोलाइएको बैठकमा आन्तरिक सुरक्षा परिस्थितिबारे छलफल हुने गृह मन्त्रालय स्रोतले बताएको छ ।

बैठकमा गृह मन्त्रालयका सचिव टेकनारायण पाण्डे, नेपाली सेनाका एक जना रथी, नेपाल प्रहरी र सशस्त्र प्रहरीका महानिरीक्षक, राष्ट्रिय अनुसन्धान विभागका प्रमुख, मन्त्रालयका शान्ति सुरक्षा महाशाखा प्रमुख लगायतको सहभागिता हुनेछ । पछिल्लो समय देशमा असुरक्षाका घटना पनि बढिरहेका छन् ।