कागलिरीलाई हराएर युभेन्टस पाँचौँ स्थानमा

काठमाडौँ , ७ पुस । फेडरिको बर्नाडासीले ६० खेलको गोलविहीन यात्रा टुंग्याएपछि युभेन्टसले इटालीको सिरी ए मा मंगलबार कालगिरीलाई २–० ले हराएको छ । जितसँगै युभेन्टस अंकतालिकाको पाँचौँ स्थानमा उक्लियो ।

मोइस किनको गोलले युभेन्टसले अग्रता लिएपछि इटालीको विन्गर बर्नाडासीले दोस्रो गोल थपेका हुन् । उनले अन्तिम पटक ५ सय १३ दिन अगाडि गोल गरेका थिए ।

मासिमिलिनो एलेग्रेको टिमले सबै प्रतियोगिताका पछिल्ला पाँच खेलमध्ये चारमा जित निकालेको छ ।