प्रचण्डले भने- राष्ट्रिय सहमतिपछि मात्रै एमसीसी संसदमा पेश हुन्छ

काठमाडौं , मंसिर २८ । नेकपा माओवादी केन्द्रका अध्यक्ष पुष्पकमल दाहाल प्रचण्ड ले राष्ट्रिय सहमतिबाट एमसीसी संसदमा पेश हुने बताएका छन् । माओवादी केन्द्रको संसदीय दलको बैठकमा प्रचण्डले यस्तो बताएका हुन् ।

उनले भने, ‘राष्ट्रिय सहमतिबाट एमसीसी संसदमा पेश हुन्छ । संशोधनसहित सहमतिमा एमसीसी पेश हुन्छ।’ माओवादी केन्द्रको संसदीय दलको बैठकले विभिन्न बोर्ड गठन गर्ने निर्णय गरेको नेता रेखा शर्माले अन्नपूर्णलाई बताइन् ।

राष्ट्रिय सभा दलका प्रमुख सचेतक गोपी अछामी, सचेतक गंगा बेलबासे र सचिव रामनारायण बिडारीलाई चयन गरेको छ । यस्तै, २१ सदस्यीय संसदीय बोर्डको पनि गठन गरेको छ। बैठकमा माओवादी केन्द्रका अध्यक्ष प्रचण्डले सांसदहरुले उठाएको प्रश्नको जवाफ दिएका थिए । प्रचण्डलाई सांसदहरुले मंगलबारबाट जारी हिउँदे अधिवेशनलाई प्रभावकारी आग्रह गरेका थिए।

जवाफमा अध्यक्ष प्रचण्डले लामो समयदेखि संसद् अवरोध गरिरहेको एमालेसहितको सर्वदलीय बैठक बसालेर संसदीय अवरोध हटाउन आवश्यक पहल गर्ने बताएका थिए।