प्रकाशमान सिंहको समर्थन शेरबहादुर देउवालाई

काठमाडौँ , २८ मंसिर । सत्तारुढ दल नेपाली काँग्रेसको केन्द्रीय महाधिवेशनको प्रक्रिया अन्तर्गत पहिलो चरणमा सभापतिमा तेस्रो स्थान हासिल गर्नुभएको नेता प्रकाशमान सिंहले शेरबहादुर देउवालाई समर्थन गर्ने बताउनुभएको छ ।

काँग्रेसको पहिलो चरणमा प्रथम स्थान प्राप्त गर्नुभएका प्रधानमन्त्री देउवा मङ्गलबार बिहान छलफलका लागि सिंह निवास चाक्सिबारीमा पुग्नुभएको थियो ।

छलफलपछि सञ्चारकर्मीसँग बोल्नुहुँदै सिंहले आफू पक्षको समर्थन देउवालाई रहेको बताउनुभएको हो । प्रधानमन्त्री देउवाले नेता सिंहलाई सदिच्छाका लागि धन्यवाद समेत दिनुभएको छ ।