झापा गोल्डकपः आज एपिएफ र थ्री स्टारबीच खेल हुने

काठमाडौं– झापा गोल्डकप फुटबल प्रतियोगिताको तेस्रो संस्करणकोे खेलमा आज सशस्त्र प्रहरीको एपिएफ र थ्री स्टार क्लबबीच खेल हुने भएको छ ।

खेल बिर्तामोडस्थित डोमालाल रंगशालामा दिउँसो हुने छ । यस अघि हिजो भएको खेलमा रुपन्देही–११ लाई पाखा लगाउदैँ नेपाल पुलिस क्लब क्वाटरफाइनलको यात्रा तय गरेको छ ।

प्रतियोगितामा नेपालका ९ र भारतको सिक्किम युनाइटेड क्लब गरी १० टिमको सहभागिता रहेको छ । प्रतियोगिताको विजेताले १२ लाख ५१ हजार र उपविजेताले ६ लाख रुपैयाँ पुरस्कार पाउने आयोजकले जानकारी दिएको छ ।