हिमाली तथा उच्च पहाडका केही भू–भागमा हिमपातको सम्भावना
काठमाडौं , मंसिर ५ । हिमाली तथा उच्च पहाडी भू–भागका केही स्थानमा आज हिमपात हुने भएको छ । प्रदेश १ को उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको मौसमविद् सजिना शाक्य बताउँछिन् ।
प्रदेश १ का एक–दुई स्थानमा हल्का वर्षाको पनि सम्भावना रहेको छ । आज दिउँसो देशका पहाडी भू–भागमा आंशिक बदली रही बाँकी भू–भागहरू सामान्यतया सफा रहने शाक्यको भनाइ छ ।
आज राति देशका पहाडी भू–भागमा आंशिक बदली रही बाँकी भू–भागहरू सामान्यतया सफा रहने छ । प्रदेश १ को उच्च पहाडी तथा हिमाली भू–भागका एक/दुई स्थानमा हल्का हिमपातको सम्भावना रहेको मौसमविद् शाक्यले जानकारी दिइन् ।
यसैबची, आज बिहान ६ बजे काठमाडौंको तापक्रम ९.२ डिग्री सेल्सियस तापक्रम मापन गरिएको छ । दिउँसो २१ देखि २३ डिग्री सेल्सियससम्म पुग्ने छ ।
केही दिन पूर्ण बदली रहेको काठमाडौंमा आज भने आंशिक बदली हुने छ ।
प्रतिक्रिया दिनुहोस्