झापा गोल्डकपको उद्घाटनमा झापा र सुदूरपश्चिम खेल्दै

काठमाडौं। झापा गोल्डकप फुटबल प्रतियोगिताको तेस्रो सस्करण आजबाट सुरु हुँदै छ । स्थानीय रंगशालामा हुने उद्घाटन खेलमा आयोजक रमपम झापा ११ ले सुदूरपश्चिम ११ सँग प्रतिष्पर्धा गर्नेछ ।

प्रतियोगितामा झापा र सुदूरपश्चिम सहित थ्रीस्टार, मनाङ मस्र्याङ्दी, विभागीय टोली त्रिभुवन आर्मी, नेपाल पुलिस र एपीएफ तथा सहारा क्लब पोखरा, रुपन्देही ११ र सिक्किम युनाइटेड एफसीले भाग लिएका छन् ।

प्रतियोगिताको विजेताले १२ लाख ५१ हजार र उपविजेताले ६ लाख रुपैयाँ पुरस्कार पाउने आयोजकले जानकारी दिएको छ ।