थप ५५७ जनामा कोरोना संक्रमण पुष्टि , ३ जनाको मृत्यु
काठमाडौँ, कातिक ७ । नेपालमा पछिल्लो २४ घण्टामा ५५७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ६ हजार ६१ जनाको पीसीआर परीक्षण गरिएकोमा ५२२ र १ हजार ५६४ जनाको एन्टिजेन विधिबाट गरिएको परीक्षणमा ३५ जनामा कोरोना पुष्टि भएको छ ।
पछिल्लो २४ घण्टामा थप ३ जना कोरोना संक्रमितको मृत्यु भएको छ। सोही अवधिमा मुलुकका विभिन्न अस्पतालबाट ८७७ जना कोरोना संक्रमणमुक्त भएको मन्त्रालयले जानकारी दिएको छ ।
यता पछिल्लो २४ घण्टामा काठमाडौं उपत्यकामा २०९ जना कोभिड–१९ संक्रमित थपिएका छन् । काठमाडौंमा १५९, भक्तपुरमा नौ र ललितपुरमा ४१ संक्रमित थपिएका हुन् । हाल उपत्यकामा कोरोनाका सक्रिय संक्रमितको संख्या दुई हजार ३९३ छ ।
अहिले देशभर नौ हजार ४२३ जना होम आइसोलेसनमा, ७७८ जना संस्थागत आइसोलेसनमा, २७३ जना आईसीयू तथा ८५ जना भेन्टिलेटरमा रहेको स्वास्थ्य तथा जनसंख्या मन्त्रालयले आइतबार जनाएको छ ।
प्रतिक्रिया दिनुहोस्