नेपालले आज हङकङसँग अभ्यास खेल खेल्दै

काठमाडौं  । आइसीसी विश्व कप छनोट खेल्न जिम्बावे पुगेको नेपाली टोलीले आज दोस्रो अभ्यास खेल खेल्दै छ । छनोट खेल अगाडिको दोस्रो अभ्यास खेलमा नेपालले आज हङकङसँग प्रतिस्पर्धा गर्दैछ ।

जिम्बाबेमा हुने अभ्यास खेल नेपाली समय अनुसार दिउसो सवा १ बजे सुरु हुनेछ । पहिलो अभ्यास खेलमा नेपालले युएइलाई ५ विकेटले पराजित गरेको थियो । जिम्बाबेमा २० गतेदेखि हुने विश्वकप क्रिकेट छनोट प्रतियोगितामा नेपालसहित १० देश सहभागी छन । जसमा उत्कृष्ट हुने २ टिमले विश्वकप खेल्न पाउनेछन । नेपाल अफगानिस्तान, जिम्बाबे, हङकङ र स्कटल्याण्डसँगै समूह ‘बी’ मा छ ।

नेपालले पहिलो खेल २० गते घरेलु टोली जिम्बाबेसँग, दोस्रो खेल २४ गते स्कटल्याण्डसँग, तेस्रो खेल २६ गते अफगानिस्तानसँग र लिग चरणको अन्तिम खेल २८ गते हङकङसँग खेल्नेछ । प्रतियोगितामा उत्कृष्ट हुने २ टिमले विश्वकप खेल्न पाउनेछन । प्रतियोगिताबाट उत्कृष्ट ३ एसोसिएट रास्ट्रले एकदिवसीय रास्ट्रको मान्यता पाउनेछ ।