कैदीहरुबीच झडप: २४ को मृत्यु, ४२ घाइते, धेरैको अवस्था गम्भीर
काठमाडौं, असोज १३ ।कैदीहरुबीच झडप हुँदा २४ जनाको ज्यान गएको छ । अन्य ४२ जना घाइते भएका छन् ।
इक्वेडरको एक कारागारमा भएको झडपमा परेर कम्तीमा पनि २४ जना कैदीको ज्यान गएको बताइएको छ । त्यहाँको कारागारमा राखिएका कैदीहरुबीच भएको झडपमा उनीहरु मारिएका हुन् । त्यस क्रममा अरु ४२ जना घाइते भएका छन् ।
घाइतेमध्ये धेरैको अवस्था गम्भीर रहेको प्रहरीले जानकारी दिएको छ । मंगलबार यहाँको समुन्द्रीय तटीय नगर गाकुइलमा रहेको जेलमा सो झडप भएको थियो ।
यहाँको राष्ट्रिय प्रहरीले ती कैदीहरुबीच के कति कारणले झडप भएको हो भन्ने बारेमा अनुसन्धान जारी रहेको जनाएको छ ।
प्रतिक्रिया दिनुहोस्