ईपीएल:काठमाडौं र विराटनगरबीचको खेल टस नभई स्थगित

First opening match of Everest Premier League between Lalitpur Patriots vs Kathmandu Kings where Kathmandu Kings won the match by 7 wickets.Photo/Elite JOshi

काठमाडौँ , ११ असोज । एभरेष्ट प्रिमियर लिग ईपीएल अन्तर्गत आज तय भएको काठमाडौं किंग्स ११ र विराटनगर वारियर्स बीचको खेल स्थगित भएको छ ।

कीर्तिपुरस्थित टीयू अन्तर्राष्ट्रिय मैदान खेल्न लायक नभएकोले खेल नहुने भएको हो । खेल टस नै नभई स्थगित भएको हो ।

अघिल्लो दिनको वर्षाका कारण मैदान भिजेकोले ९ः३० मा सुरु हुनुपर्ने खेल निर्धारित समयमा टस हुन नसकेपछि खेल हुन सकेन । ११ः४० मा पछिल्लो पटक मैदान निरिक्षण गर्दा खेल मैदान तयार नभएकोले खेल स्थगित गर्ने निर्णय गरेको हो ।

मैदानमा धेरै पानी जमेकोले खेल खेलाउन लायक नभएको हो । आयोजकले खेल पुनस् अर्को हुन सक्ने सम्भावना हुने जनाएको छ । त्यसका निर्णय टेक्निकल कमिटीले गर्ने आयोजकले जनाएको छ । खेल स्थगित भए पनि अंक भने बाँडिएको छैन ।

काठमाडौंले उद्घाटन खेलमा साविक विजेता ललितपुर प्याट्रिओट्सलाई पराजित गरेको थियो । विराटनगर भने पहिलो खेलमा चितवनसँग पराजित भएको थियो ।