संखुवासभामा ६ जनाको हत्याकाण्ड : थप ४ जना पक्राउ, मुख्य योजनाकार खड्गबहादुर, यसरी घटेको रहेछ घटना (विवरणसहित)

काठमाडौं, असोज ४ । संखुवासभाको मादी नगरपालिका-१ उम्लिङ खोलाका एकै परिवारका ६ जनाको सामूहिक हत्यामा संलग्न भएको आरोपमा थप चारजना पक्राउ परेका छन् ।

प्रहरीले घटनास्थल मादी(१ उम्लिङ खोला गाउँबाट हत्याकाण्डका मुख्य योजनाकार ४७ वर्षीय खड्गबहादुर कार्की,२८ वर्षीय हस्तबहादुर कार्की, ४९ वर्षीय रणबहादुर कार्की र १७ वर्षीय नरेश कार्कीलाई पक्राउ गरेको जिल्ला प्रहरी कार्यालयका प्रमुख डिएसपी लालध्वज सुवेदीले जानकारी दिए ।

जिल्ला प्रहरी कार्यालय संखुवासभाले हत्यामा संलग्न थप चारजनालाई आज पत्रकार सम्मेलनमार्फत सार्वजनिक गरेको हो ।गत २१ भदौ बिहान २१ भदौमा उम्लिङ खोला गाउँका ५२ वर्षीय तेजबहादुर, उनकी ८४ वर्षीया आमा पार्वती, ५२ वर्षीया श्रीमती कमला, बुहारी ३२ वर्षीया रञ्जना, नाति दीपेन र नातिनी गोमाको हत्या भएको थियो ।

एकै परिवारका ६ जनाको हत्यामा संलग्न स्थानीय लोकबहादुर कार्कीलाई यसअघि नै प्रहरीले पक्राउ गरिसकेको छ ।लोकबहादुरको बयानका आधारमा प्रहरीले थप चारजना पक्राउ गरेको डिएसपी सुवेदीले बताए । पक्राउ परेका चारैजनामाथि म्याद थप गरेर प्रहरीले अनुसन्धान अघि बढाएको छ । पक्राउ परेका चारैजना मृतक तेजबहादुरका छिमेकी हुन् ।

कसरी घट्यो घटना

घटना हुनु अघिल्लो राति सबैजना मिलेर तेजबहादुर कार्कीको हत्याको योजना बनाएको प्रहरी अनुसन्धानबाट खुलेको छ ।

गत २१ भदौमा तेजबहादुर खेताला बोलाउन आउने भएकाले त्यही मौकामा तेजबहादुर र कमलाको हत्या गर्ने र घटना अन्यले थाहा पाए उनीहरुको पनि हत्या गर्ने योजना अभियुक्तहरुले अघिल्लो दिनमै बुनेको प्रहरी अनुसन्धानले देखाएको छ ।

घटना योजनावद्धढंगबाट ५ जनाको समूहले घटाएको प्रहरी अनुसन्धानबाट खुलेको हो । प्रहरीका अनुसार अभियुक्त लोकबहादुर कार्कीको घरमा घटनाको अघिल्लो दिन राति ८ बजे मुख्य योजनाकार खड्गबहादुर कार्कीसहित हस्त बहादुर कार्की, लोकबहादुर कार्की र नरेश कार्की समेत बसेर बुनेको अनुसन्धानबाट खुलेको प्रहरीले जनाएको छ ।

प्रहरीका अनुसार घटनाको दिन २१ गते विहान मृतक तेक कुमार कार्की खेताला बोलाउन लोकबहादुरको घर आएको बेला हत्या गरेको र अनुकूल मिले तेज कुमारको घरमा भएको धनमाल समते लुट्ने योजना बुनेको अनुसन्धानले देखाएको छ ।

घटनाका बेला मृतकले ‘लोकेले मार्‍यो मलाई नमार’ भन्दै गरेको हार गुहार सुनेपछि ‘मेरो श्रीमानलाई नमार’ भन्दै तेजबहादुरको श्रीमती र बुहारी आएकोमा लोक बहादुरले कमलालाई प्रहार गरेको, हस्तबहादुरले कमलाको घाँटीमा छुरा प्रहार गरेको र बुहारी रंजनालाई नरेशले ठेलेर खोल्सामा झारेको अनुसन्धानबाट खुलेको छ ।

खड्गबहादुर, लोकबहादुर र हस्तबहादुरले मिलेर उनीहरुले हत्या गरेको खुलेको हो । यसैगरी मृतक रंजनाको शव रणबहादुर र नरेशले कमलाको शव भएको स्थानसम्म पुर्‍याएको अभियुक्त अभियुक्त लोकबहादुरले प्रहरी बयानका क्रममा भनेका हुन् ।

उनीहरुले घटनाको बेला मृतक नावलकहरु दिपेन र गोमा समेत घर नजिकको बाटोमा आएको देखेपछि हस्त बहादुर र लोक बहादुरले बाटो छेकी मुख थुनी लोकबहादुरले चिर्पटले हिर्काएर घाँटी बटारेर हत्या गरेको अनुसन्धानबाट खुलेको छ । त्यसपछि उनीहरु मृतकको घरमा गएर ८४ वर्षीयका पार्वती कार्कीको समेत हत्या गरेको प्रहरी अनुसन्धानले देखाएको छ ।

घरमा काम गरीरहेकी पार्वतीलाई हस्तबहादुरले समाती घर पछाडिको गोठ नजिक लगेर लोक बहादुरले टाउको भित्तामा ठोकाइ घाँटी बटारी हत्या गरेको प्रहरीसँगको बयानका क्रममा अभियुक्त लोकबहादुरले भनेका हुन् ।

प्रहरीले घटनामा संलग्न सबैजनालाई नियन्त्रणमा लिएर अनुसन्धान जारी रहेको जनाएको छ । अनुसन्धानका क्रममा सबै अभियुक्तहरुले घटना स्वीकार गरेको र घटनामा प्रयोग भएको छुरी, कपडा र हराएको मोबाइल समेत बरामद भएको प्रहरीले जनाएको छ ।

यस्तो छ घटना घट्नुको कारण

प्रहरी अनुसन्धानले देखाए अनुसार अभियुक्तहरुमध्ये खड्गबहादुर नियमित रक्सी खाने गरेका थिए । उनले घरमा श्रीमती र परिवारका सदस्यलाई कुटपीट तथा गाली गलौज गर्ने गरेका थिए ।

तेज कुमारले उनलाई ‘तँ जड्याहा किन यसो गर्छस्’ भनी गाली गर्ने गरेको र खड्ग बहादुरले पनि ‘तँलाई के मतलब तँलाई मार्छु’ भन्दै झगडा गर्ने गरेको र लोक बहादुरलाई ‘तँ पागल, अल्छी, केही गर्न सक्दैनस्’ भन्ने गरेको खुलेको छ ।

नरेशलाई “तँ डुडे काम नलाग्ने भइस्” भन्ने र रणबहादुलाई समेत ‘त लठेब्रो केही गर्न सक्दैनस्’ भन्ने गरेको खुलेको छ ।

जहिले पनि उनले हेप्ने र आफू सम्पन्न भएको फुर्ती दिने गरेको हुँदा मनमा ‘इख’ पालेका कारण घटना घटेको प्रहरीले अनुसन्धानले देखाएको छ ।

।

यस्तो छ प्रहरीको विवरण