कोरोना अपडेट: १, ५११ जनामा संक्रमण पुष्टि, ११ को मृत्यु
काठमाडौं, भदौ ३१ । पछिल्लो २४ घण्टामा १, ५११ जनामा कोरोना संक्रमण पुष्टि भएको छ । । स्वास्थ्य तथा जनसंख्या मन्त्रालयका अनुसार १५ हजार १ सय ७९ जनामा गरिएको परीक्षण १, ५११ जना संक्रमित थपिएका हुन् ।
यस्तै मन्त्रालयका अनुसार पछिल्लो २४ घण्टामा १, ६८९ जना संक्रमित निको भएर फर्किएका छन् भने ११ जनाको मृत्यु भएको छ । यता काठमाडौँ उपत्यकामा पछिल्लो २४ घण्टामा ४३० जना संक्रमित थपिएका छन् ।
स्वास्थ्य मन्त्रालयका अनुसार काठमाडौँ जिल्लामा सबैभन्दा बढी २९३ जना संक्रमित थपिएका छन् भने भक्तपुरमा ३९ र ललितपुरमा ९८ संक्रमित थपिएका छन् ।
त्यस्तै उपत्यकामा अहिले ६ हजार ४७० जना सक्रिय संक्रमित रहेका छन् । जसमा काठमाडौँ जिल्लामा ३ हजार ५९०, भक्तपुर जिल्लामा १०५८ र ललितपुर जिल्लामा १८२२ सक्रिय संक्रमित रहेका छन् ।
नेपालमा हाल सक्रिय कोरोना संक्रमितको संख्या २५ हजार ७७२ पुगेका छन् ।
त्यस्तै अहिले देशभर संस्थागत आइसोलेसनमा १ हजार ५५० जना रहेका छन् भने होम आइसोलेसनमा २४ हजार २२२ रहेका छन् ।
त्यस्तै अहिले नेपालमा ४०७ जना कोरोना संक्रमित आइसीयुमा उपचारत रहेका मध्ये १२८ जनाको भेन्टिलेटरमा उपचार भइरहेको स्वास्थ्य मन्त्रालयले जनाएको छ ।
पछिल्लो २४ घण्टामा ११ जनाको मृत्यु भएको स्वास्थ्य मन्त्रालयले जानकारी दिएको छ । नेपालमा कोरोनाबाट मृत्यु हुनेको संख्या ११ हजार २ पुगेको छ ।
प्रतिक्रिया दिनुहोस्