आईसीसी यु १९ विश्वकप खेलमा युएई छनोट

काठमाडौँ , १० भदौ । आईसीसी यु १९ विश्वकप खेल्ने नेपालको सपना अधुरै हुने भएको छ ।

आईसीसीले बुधबार अमेरिका, एसिया र इस्ट एसिया प्यासिफिक क्षेत्रको छनोट कोभिड१९ का कारण रद्द भएको जनाएको छ ।

छनोट रद्द भएपछि अमेरिका क्षेत्रबाट क्यानडा, एसियाबाट युएई र इस्ट एसिया प्यासिफिकबाट पपुवा न्यु गिनी सिधै यु १९ विश्वकपकमा छनोट भएका छन् ।

आईसीसी डेभलपमेन्ट कमिटी र आईसीसी बोर्डले स्वीकृत गरेको गाईडलाइन्स अनुसार यी तीन छनोट आयोजना गर्न नसकिने आईसीसीले जनाएको छ ।

त्यसैले पछिल्लो ५ यु १९ छनोट बाट प्रतियोगितामा प्राप्त जितका आधारमा आईसीसीले तीन टिपमलाई सोझै छनोट गरेको हो । यु १९ विश्वकप अर्को वर्ष वेष्ट इन्डिजमा हुनेछ ।