सिन्धुपाल्चोक बस दुर्घटना (अपडेट)- तीन जनाको मृत्यु, ३५ जना घाइते

‘काठमाडौं , भदौ ९ । सिन्धुपाल्चोकको सुनकोसी गाउँपालिकामा यात्रुवाहक बस दुर्घटना हुँदा तीन जनाको मृत्यु भएको छ । अन्य ३५ जना घाइते भएका छन् ।

लिसंखुपाखरबाट काठमाडौं आउँदै गरेको कोशीपारी यातायातको बा ३ ख ८०३० नम्बरको गाडी सुनकोसी गाउँपालिका–३ छापगाउँमा दुर्घटना भएको हो । ब्रेकमा समस्या आएपछि यात्रु ओरालेर परीक्षण गरी पुनः यात्रु चढाएपछि बस दुर्घटना भएको बताएको छ ।

बस दुर्घटना हुन लागेको देखेपछि भाग्न लाग्दा दुई जनालाई बसले किचेर घटनास्थलमै मृत्यु भएको घटनास्थलमा रहेका स्थानीय रविन्द्र खड्काले बताए ।

। अर्का एक जनाको अस्पताल लैजाँदै गर्दा बाटोमै मृत्यु भएको हो । यद्यपि प्रहरीले भने अहिलेसम्म मृत्युको पुष्टि गरेको छैन । प्रहरी प्रमुख राजन अधिकारीका अनुसार घटनास्थलमा प्रहरी पुगिसकेको र उद्धारको काम जारी रहेको जानकारी दिए ।

घाइतेहरूलाई एम्बुलेन्स र गाउँपालिका प्रमुखको गाडीमा राखेर उपचारका लागि अस्पताल पठाइएका छ । घाइतेमध्ये १६ जनाको सदाबहार अस्पताल, खाडीचौर र बाँकीलाई धुलिखेल र काठमाडौं पठाइएको प्रहरीले जनाएको छ ।