काबुलस्थित विमानस्थलमा गोली हानाहान, एक अफगानी गार्डको मृत्यु

काठमाडौँ , भदौ ७ । अफगानिस्तानको काबुलस्थित विमानस्थलमा अज्ञात व्यक्तिको गोली लागेर अफगानी सुरक्षा बलका एक जनाको मृत्यु भएको छ ।

अन्तर्राष्ट्रिय समाचार एजेन्सी रोयटर्सका अनुसार बन्दुकधारीको अफगानी सुरक्षा बल र नेटोका सैनिकबीच गोली हानाहान भएको थियो ।

जर्मन सेनाले गोली हानाहानमा एक अफगानी सुरक्षा गार्डको मृत्यु भएको जानकारी दिएको छ । घटना सोमबार बिहान ४ बजेको करिब भएको बताइएको छ । घटनामा थप तीन जना घाइते भएको बताइएको छ ।

अफगानिस्तान छोड्न चाहनेको भिड बढ्दा काबुल विमानस्थल अझै पनि अस्तव्यस्त रहेको मिडिया रिपोर्टमा बताइएको छ ।

यस अघि विमानस्थलमा भएको गोली हानाहानमा ७ जनाको मृत्यु भएको ब्रिटिश रक्षा मन्त्रालयले आइतबार जानकारी दिएको थियो ।