गुल्मीमा जीप दुर्घटना हुँदा तीनको मृत्यु, सात घाइते

काठमाडौं,साउन १३ । गुल्मीमा जीप दुर्घटना हुँदा तीनको मृत्यु भएको छ । अन्य सात घाइते भएका छन् ।

गुल्मीको शान्तिपुरबाट सदरमुकाम तम्घास आउँदै गरेको लु १ ज ४५५९ नम्बरको जीप दुर्घटनामा परेको हो ।

गुल्मीको मुसीकोटमा उक्त दुर्घटना भएको गुल्मीका एसपी गोपालचन्द्र भट्टराईले जानकारी दिए ।

जीपमा १० जना सवार रहेको प्रहरीले जनाएको छ ।मृतकको पहिचान हुन भने बाँकी नै रहेको प्रहरीले बताएको छ ।