मन्त्रिपरिषदको बैठक बस्दै, बैठकले केही महत्वपूर्ण निर्णयहरु लिने
काठमाडौं, असार ३१ । दिउँसो २ बजे मन्त्रिपरिषद्को बैठक बस्दै छ । सिंहदरबारमा बैठक बस्ने सरकारका प्रवक्ता एवं कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले जानकारी दिए ।
प्रधानमन्त्री शेरबहादुर देउवा नेतृत्वको नयाँ मन्त्रिपरिषद्को यो दोस्रो बैठक बस्न लागेको हो । बैठकले केही महत्वपूर्ण निर्णयहरु लिने बताइएको छ ।
आजको बैठकले प्रतिनिधि सभाको अधिवेशन बोलाउनेलगायातका विषयमा निर्णय गर्ने एक मन्त्रीले जानकारी दिए । यसअघि, सरकार गठन भएको दिन गएको मंगलबार मन्त्रिपरिषद्को पहिलो बैठक बसेको थियो ।
सर्वोच्च अदालतले २८ असारमा प्रतिनिधि सभा पुनर्स्थापना गर्दै ३ साउनभित्र प्रतिनिधि सभाको बैठक बोलाउन आदेश दिएको थियो ।
त्यही आधारमा मन्त्रीपरिषद्ले संसद अधिवेशन आह्वान गर्न लागेको हो । ‘बैठकमा कोरोना संक्रमण नियन्त्रण, अघिल्लो सरकारले गरेका कतिपय असंवैधानिक निर्णयका विषयमा समेत छलफल गर्ने सम्भावना रहेको छ ।
प्रतिक्रिया दिनुहोस्