एक चेलीको शब जंगलमा भेटियो, गैडाकोटकी अर्कि युवति ८ दिनदेखी बेपत्ता, प्रेमी पक्राउ

काठमाडौं , असार २२ । पछिल्लो समय किशोरी तथा माहिलामाथि हत्या हिंसाका घटना दिनानुदिन बढ्दै जान थालेका छन् । अहिले त झन नेपालमा छोरी चेलीमाथि निकै डर लाग्दा घटना घटिरहेका छन् । अहिले यति बेला चितवनको घटनाले फेरि उग्ररुप लिएको छ ।

गत ११ असारदेखि हराइरहेकी सुजिता भण्डारीको शव फेला परेपछि स्थानीयबासी निकै आक्रोसित बनेका छन् । प्रहरीले शवलाई अस्पताल लैजान लागेका बेला स्थानीयले नाराबाजी गर्दै पूर्व–पश्चिम राजमार्ग अवरुद्ध गराएका थिए । हराएको १० दिनसम्म पनि प्रहरीले घटनाबारे केही अनुसन्धान गर्न नसकेको भन्दै स्थानीय प्रहरी प्रशासनविरुद्ध खनिएका हुन् ।

राप्ती नगरपालिका–३ निवासी २३ वर्षीया सुजिता असार ११ गतेदेखि हराइरहेकी थिइन् । असार ११ गते बिहान ६ बजे साथीको घर जाने भनेर हिँडेकी सुजिता सोही दिनदेखि बेपत्ता भएकी थिइन् । उनले सोही दिन १२ बजे दिदीलाई फोन गरेर अपहरणमा परेको बताएको परिवारका सदस्यले बताउँदै आएका छन् ।

जंगलमा च्याउ टिप्न गएका स्थानीयवासीले आइतबार साँझ शव देखेपछि प्रहरीलाई खबर गरेका थिए । शव गलेको अवस्थामा फेला परेको छ । वनबीच एउटा झाङमा अड्किएको अवस्थामा उनको शव फेला परेको प्रहरीले जनाएको छ ।

राजमार्ग क्षेत्रमा स्थानीयवासीले अवरुद्ध पारेको राजमार्ग भने साँझदेखि खुलेको छ । स्थानीय र चितवनका प्रमुख जिल्ला अधिकारीसहित सरोकारवालाबीच भएको वार्तापछि दुई बुँदे सहमति भएपछि राजमार्ग खुलेको हो ।

हराएको १० दिनसम्म पनि प्रहरीले घटनाबारे केही अनुसन्धान गर्न नसकेको भन्दै स्थानीय प्रहरी प्रशासनविरुद्ध नाराबाजी गर्दै पूर्व–पश्चिम राजमार्ग अवरुद्ध गरेका थिए ।यता नवलपुर जिल्लाको गैडाकोट–४ की २१ वर्षिया विना सापकोटा ८ दिनदेखि बेपत्ता छिन् । असार १४ गते रातिदेखि बेपत्ता उनको खोजी जारी रहे पनि भेट्टाउन सकेको छैन ।

बिनाका बुबा जायेश्वर सापकोटाले लगातार खाजी गर्दासमेत छोरी फेला पार्न नसकेको बताए । चितवन र गैंडाकोट प्रहरीलाई खबर गरे पनि अहिलेसम्म कुनै खोजखबर नभएको जायेश्वरले बताए ।

गैडाकोटको जनक कलेजमा बीबीएस तेस्रो वर्ष अध्ययनरत बिना आधि घण्टामै फर्केर आउँछु भन्दै साथीसँग घरबाट निस्केकी थिइन् । १४ गतेकै राति साथीको मोबाइलबाट अन्तिमपटक परिवारसँग सम्पर्क भएका थियो ।

अनुसन्धानका क्रममा प्रहरीले भरतपुरका एकजना युवालाई नियन्त्रणमा लिएको छ । जिल्ला प्रहरी कार्यालय चितवनका प्रवक्ता तथा डीएसपी सूर्यबहादुर थापाले पक्राउ परेका युवाबिनाका प्रेमी भएको जानकारी दिए । चतवनमै ९ दिनदेखि वेपत्ता भएकी सुजिता भण्डारीको तीन दिनअघि शव फेला परेको थियो ।