नारायणगढ-मुग्लिन सडकखण्ड फेरि अवरुद्ध, खुलाउने प्रयास जारी

काठमाडौं, असार २१ । पहिरोले नारायणगढ–मुग्लिन सडकखण्ड फेरि अवरुद्ध भएको छ ।

चौध किलो र सेती दोभानमा लेदोसहितको पहिरो आएर आइतबार राति १० बजेदेखि सडक अवरुद्ध भएको जिल्ला ट्राफिक प्रहरी कार्यालय चितवनले जनाएको छ ।

अहिले स्काभेटर प्रयोग गरेर पहिरो हटाएर सडक खुलाउने प्रयास भइरहेको जिल्ला ट्राफिक प्रहरी कार्यालय चितवनका प्रमुख भगवान थापाले जानकारी दिए ।