म्यान्चेस्टर युनाईटेड र सेभियाले बराबरी खेले, शख्तरसँग रोमा पराजित
Published On : 22 February, 2018 3:32 am
काठमाडौं । च्याम्पियन्स लिग फुटबलमा स्पेनिस क्लब सेभियाले इङ्ल्यान्डको म्यान्चेस्टर युनाईटेडलाई बराबरीमा रोकेको छ ।
स्पेनमा गएराति भएको प्रि क्वाटरफानइनल पहिलो लेगको खेलमा सेभियाले म्यान्चेस्टर युनाईटेडलाई गोलरहित बराबरीमा रोकेको हो ।
खेलमा दुवै टोलीले बनाएका अवसरहरुलाई गोलमा परिणत गर्न नसक्दा बराबरीमा चित्त बुझाउनुपरेको हो ।
गएराति भएको अर्को खेलमा युक्रेनको शख्तरले ईटालीको एएस रोमालाई २÷१ ले हरायो ।
युक्रेनमा भएको खेलमा घरेलु टोली शख्तरलाई विजयी गराउन फाकुन्डो फरेरा र फ्रेडले एक एक गोल गरे ।
पाहुना टोली रोमाका लागि सेन्गीज उन्डरले पहिलो गोल गरेका थिए ।
गएरातिका खेलसँगै युरोपियन च्याम्पियन्स लिग फुटबलका प्रि क्वाटरफाईनल पहिलो लेगका खेल सकिएका छन् ।
प्रतिक्रिया दिनुहोस्