थप २ हजार ७ सय बढीमा कोरोना संक्रमण पुष्टि, ४ हजार निको भए , ३३ जनाको मृत्यु

काठमाडौं , असार १७ । नेपालमा आज थप २ हजार ७६० जनामा कोरोना भाइरस संक्रमण पुष्टि भएको छ । देशभर ७ हजार १३० पीसीआर र ३ हजार ८५५ एन्टीजेन परिक्षणमा क्रमशः १ हजार ८५७ र ९०३ जनामा कोरोना भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ६ लाख ७६ हजार ५०९ पुगेको छ । जसमध्ये ६ लाख १४९ जना निको भएका छन् । पछिल्लो २४ घण्टामा ४ हजार १७ जना निको भएका छन् । हालसम्म नेपालमा सक्रिय संक्रमितको संख्या ३१ हजार ३६८ रहेको छ ।

यसैबीच पछिल्लो २४ घण्टामा नेपालमा कोरोना भाइरसका कारण ३३ जनाको मृत्यु भएको छ । हालसम्म कोरोनाको कारण ९ हजार १४५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । केहिदिन यता ओरालो लागेको संक्रम फेरि बढेको छ ।