महाकाली र सेती नदी आसपासका नागरिकलाई सर्तक रहन प्रशासनको आग्रह, पानीको बहाव बढ्यो

काठमाडौं, असार ४ । लगतारको वर्षाले महाकाली र सेती नदीका साथै अन्य खोलाहरुमा पानीको बहाव बढेपछि स्थानीय प्रशासनले सतर्कता अपनाउन आग्रह गरेका छन् ।

दार्चुलादेखि बैतडी हुँदै डडेल्धुरा– कञ्चनपुरतर्फ बग्ने महाकाली नदीमा पानीको सतह बढेकाले सर्तकता अपनाउन आग्रह गरिएको हो ।

बैतडी, दार्चुला र कञ्चनपुरका जिल्ला प्रशासन कार्यालयहरुले नदी आसपासका क्षेत्रमा बस्नेहरुलाई सतर्कता अपनाउन आग्रह गरेका हुन ।

महाकाली नदीमा पानीले खतराको तह पार गरेको जनाइएको छ । महाकाली नदीमा पानीको बहाव घटबढ हुने भएकोले तटीय क्षेत्रमा नजान पनि सचेत गराइएको छ ।

यस्तै बैतडीको दशरथचन्द नगरपालिका, शिवनाथ गाउँपालिका र पञ्चेश्वर गाउँपालिकाका नदी किनारका बासिन्दालाई पनि सचेत रहन भनिएको छ ।